vertonga Z.E Digital Tech
Pse Verto
Arka shet, por stoku nuk e di. Faturat dalin, por kontabilisti i rishkruan në fund të muajit. Klienti shkruan në WhatsApp dhe askush nuk e kujton t’i kthejë përgjigje. Çdo boshllëk mes programeve kthehet në punë me dorë dhe në gabime.
Verto është ndërtuar që një veprim të regjistrohet një herë dhe të shkojë kudo ku duhet: shitja zbret stokun, kalon në kontabilitet dhe del në raportin e ditës. Ju shihni të njëjtën pamje si stafi juaj, sipas lejeve që u jepni.
Modulet
Kontabiliteti
Çdo shitje, blerje dhe shpenzim kalon vetë në libër, sipas planit kontabël shqiptar.
Faturat & Shitjet
Lëshoni fatura, ndiqni pagesat dhe shihni kush ju detyrohet, pa kërkuar nëpër dosje.
Inventari
Gjendja e magazinës përditësohet nga arka dhe nga hyrjet e mallit, me koston mesatare të llogaritur.
POS
Kamarieri merr porosinë te tavolina, kuzhina e sheh në ekranin e saj, arka mbyllet pa letra.
Burimet Njerëzore
Kush punon ku, me çfarë page, dhe çfarë lejohet të shohë secili.
CRM
Kush ju shkroi, çfarë i ofruat dhe kur duhet ta merrni sërish, për gjithë skuadrën.
Raportet
Shitjet, shpenzimet dhe fitimi të përmbledhura, kurdo që i hapni.
Për fiskalizimin, sinqerisht: lidhja me sistemin e fiskalizimit është ndërtuar sipas specifikimit zyrtar dhe është në testim në mjedisin e provës. Nuk është ende aktive për fatura reale. Do ta shkruajmë këtu kur të jetë.
Paketat
Klientët, rezervimet, kujtesat dhe faturat. Për klinika, sallone dhe biznese shërbimesh.
Gjithçka nga CRM, plus kontabilitet, inventar, arkë dhe staf. Për biznese me shumë shërbime.
Çmimi varet nga niveli dhe nga puna e vendosjes. Ju japim ofertë të shkruar pasi shohim si punoni.
Si nisim
Na tregoni si punoni sot. Ju tregojmë Verto me shembuj nga biznesi juaj dhe vendosim bashkë çfarë ka kuptim.
Sjellim artikujt, klientët, furnitorët dhe gjendjet hyrëse nga sistemi ose Excel-i që përdorni sot.
Secili mëson vetëm atë që i duhet: kamarieri arkën, magazinieri hyrjet, pronari raportet.
Jemi pranë ditët e para dhe më pas. Ndreqim, përmirësojmë dhe shtojmë atë që mungon.
Fiskalizimi në Verto është ndërtuar sipas specifikimit zyrtar dhe aktualisht është në testim në mjedisin e provës. Nuk është ende aktiv për fatura reale. Deri atëherë, nëse keni një sistem fiskal që punon, e mbajmë në punë krah Verto dhe ju themi qartë kur ndryshon kjo.
Është i njëjti produkt në dy nivele. Verto CRM mbulon klientët, rezervimet dhe faturat. Verto Business shton kontabilitetin e plotë, inventarin, arkën dhe stafin, për biznese me më shumë shërbime ose më shumë njerëz.
Po. Në vetë-shërbim ne e vendosim dhe ju mësojmë, pastaj e përdorni vetë. Në nivelin e menaxhuar e mbajmë ne: instalimin, të dhënat, trajnimet dhe ndjekjen e përditshme.
Në serverët që kontrollojmë ne, ose në një kompjuter në biznesin tuaj kur kjo ka më shumë kuptim. Të dhënat janë tuajat dhe mund t’i eksportoni kurdo.
Varet nga niveli dhe nga sa punë kërkon vendosja. Pasi shohim si punoni, ju japim një ofertë të shkruar dhe të qartë, pa kosto të fshehura.
Vazhdon të punojë me ju, por me libra që mbahen vetë. Verto i jep atij regjistrimet, librat e TVSH-së dhe raportet gati, pa i rishkruar.