Punët tona. Çfarë kemi ndërtuar dhe ku është sot secila punë. Pa shifra të fryra.

Verto
Fanar
Sistemi i reklamave
Serverët GB10

Pilot

Verto në një kompleks mikpritjeje

Instalimi i parë i plotë i Verto Business: një kompleks me restorant, bar dhe shërbime të tjera, me arkë te tavolinat, ekran për kuzhinën, stok që lëviz vetë dhe kontabilitet me dy hyrje. Gjendjet e magazinës u sollën nga sistemi i vjetër si gjendje hyrëse.

Çfarë ndërtuam: Arkë, inventar, kontabilitet, staf me role, raporte
Ku punon: Në një kompjuter në vend, me qasje të sigurt nga ne
Statusi: Pilot. Fiskalizimi është në testim, jo aktiv.

Njihuni me Verto

Arka e shpejtë e Verto, me të dhëna demonstruese

Live

Fanar, sinjalizime rrugore për shoferët

Një aplikacion falas, në shqip, ku shoferët njoftojnë njëri-tjetrin për gropa, aksidente, rrëshqitje dheu dhe rreziqe të tjera në rrugë. Hapet direkt në shfletues dhe instalohet në telefon pa dyqan aplikacionesh.

Çfarë ndërtuam: Hartë, raportim me një prekje, sinjalizime në rrugë
Ku punon: Në Cloudflare, i hapur për këdo
Statusi: Live dhe falas. Po shtojmë zërat e sinjalizimeve.

Hapni Fanar

Faza vetëm-lexim

Sistemi i reklamave për klinika

Një sistem që lexon rezultatet e reklamave në disa llogari, i lidh me kontaktet që erdhën dhe propozon ndryshime. Në këtë fazë vetëm lexon dhe propozon: çdo shpenzim e miraton një njeri, dhe asnjë e dhënë shëndetësore nuk u dërgohet platformave të reklamave.

Çfarë ndërtuam: Leximin e reklamave, kontrollin e teksteve, raportet
Rregulli: Asnjë lek pa miratim njerëzor
Statusi: Vetëm lexim. Veprimet automatike vijnë më vonë, me miratim.

Shembull ilustrues

Në punë

Serverët tanë të AI, NVIDIA GB10

Kemi ngritur infrastrukturën tonë me dy serverë NVIDIA GB10. Aty punojnë modelet gjuhësore që përdorim, shërbimet e brendshme dhe disa nga sistemet e klientëve. Kur një detyrë mund të bëhet aty, të dhënat nuk dalin jashtë; kur një shërbim kërkon ofrues të jashtëm (p.sh. zëri ose reklamat në Meta), e themi qartë.

Çfarë ndërtuam: Modele AI në serverët tanë, rrjet privat, shërbime
Pse: Kontroll mbi të dhënat dhe kosto të parashikueshme

Keni një problem që duket i ngjashëm? Na shkruani. Ju themi sinqerisht nëse mund ta zgjidhim dhe si.

Na shkruani në WhatsApp Na shkruani me email